Catatan kat bawah ni aku petik dari tulisan seorang sahabat aku yang sama-sama lalui saat susah dan senang masa kat sintok dulu... he...he...
10 NOVEMBER 1998
Pertama kali jupo mu, aku terpikir bakpo-la mung ni kecik sangat. Tanyo punyo tanyo, rupo-ruponya mung ni ore Joho. Tapi mung selalo ngeloh, bakpo-lah semua saing-saing mung ore Klate denga ore ganu sajo. Aku pun jawak, mungkin doh nasib bade mung, nok buak mace mano…
22 MEI 1999
Sampai sajo di UUM, aku dgn penuh semangak, dafta-lah nama aku di pejabat Koleh Mah (Mas). Teliti punya teliti, rupo-ruponya aku sebilik denga budak kecik nih. Aku mulo terpikir ngano-lah aku nok kacek lua denga mung. Bilo doh sebilik, rupo-ruponya tembelang mung doh pecah, sebaknyo mung slalu ngiga bila tido…
4 NOVEMBER 1999
Aku tok tahu, bakpolah male sungguh nasib mung, sebaknyo…..he…he…kito masih sebilik lagi. Napoknyo tepaksa lah mung saing denga aku lagi…
Mung tanyo aku, “Rashid, mung nak ambil major apo ?” Aku jawak, “Aku ingat nak ambik major POM”. Pah tu mung tanyo pulok, “Kau ingat major POM tu senang ke susah ?”. Aku jawak lagi, “Mung ni chi’in, ore ngaji mano ado hok sene… Ado hok sene, ada hok susoh, baru ado cabare”….
6 JUN 2000
Napoknyo, mung tok boleh lari dari aku. Walaupung aku dihantar betugah di MISC tapi, mung masih lagi sekelah denga aku. Kalu tok salah aku, kelah tu ialoh kelah Rekabentuk & kelah Sains Pengurusan. Tapi mung seperti biasa, masih lagi berperangai seperti budok kecik, suko poteng kelah. Pah-tu mulolah tersengih-sengih mari bilik aku di MISC nung, apo lagi…nak nota lah… Buke apo, sie…maklum-lah budak kecik-lah kate-kae…
7 NOVEMBER 2000
Aku dijepuk kembali ke Koleh Mah. Napoknyo badi mung tok hile lagi…sebaknyo, he…he…kito masih lagi seblok. Kelah pung samo jugok…
Aku ingak bilo doh cuti, mung doh besa, tapi bilo sapa sini aku tengok mung tak besa-besa pung…
Aku buke suko sangak make ‘line’.. sapa hati mung kato aku ‘Mat Makan Line’… Yang sebena-nyo aku tok napok, sebak jale gelap dan lapu muto Liew Kang Sang tu tok tere…
Kito lonie doh semesto limo…doh nok abih ngaji doh… Lepah nie tanggungjawak makin tamboh… Pado mok-pok, adik-adik & pado bakal ore ghumoh…
Aku ucapkan selamat jadi ‘Lecturer’ yang baik… Tahniah kawan… Apo yang pasti-pun, jange lah lupo kat aku… Kalu tengok siling tu, ingat-ingatlah kak-ku getek…
Chi’in, aku mohon maaf jika ada salah & silap selama perjumpaan kita… Halalkan makan & minum dan apa yang terlebih dan terkurang… Juga halalkan penggunaan ‘your PC’s’ untok aku main FIFA 99 !
p/s : shid....sampai hati mu kata aku rajin ponteng kelas... he..he...
0 comments:
Post a Comment